ليتك تعرف الهوى وشلون عنّانـي
ياللي تغيب وغيابك حيل مشقينـي
ادير عنك الفكر والفكـر يعصانـي
قلبت عقلي وقلبي مـع موازينـي
مااشوف غيرك وانا مااظن لك ثاني
اموت واحيا بحبٍ حيـل معمينـي
كن الشقا حالف ٍ ما يوم يجفانـي
الا بجنبك حبيبـي مـا يبارينـي
ليتك تحس بشعوري وين ودّانـي
صوبك ولا هو بكيفي يـا معنيّنـي
بالهجر تكفى طلبتـك لا تحدانـي
مااقوى زعلك وعنادك ما يسلينـي
اخاف عقب البطا تنسى وتنسانـي
وانا بدونك حبيبي وش بيرضينـي
ياشوق قلبي غيابك هـزّ وجدانـي
تعال مابـي تغيـب و لا تخلينـي
:
:
وسلامتكم..
السبت مايو 10, 2008 8:57 am