حيرتني وياك

حيرتني وياك
الفصل الأول:

في هذة الليلة بالذات كانت السماء شديدة الصفاء , والجو هادئ بشكل ملحوظ . كانت اول ايام الصيف الحارة , اول أيام شهر أغسطس .
في احد ارقى احياء مدينة الدوحة ,وفي احد ارقى واكبر البيوت الموجودة بهالشارع برز نور من غرفة موجودة في الطابق الثاني للمنزل الذي يقع على اول الشارع , كانت هالغرفة غرفة ريم .
"ريم : فتاة في الصف الثاني ثانوي لا يتجاوز عمرها 17 عاما . احد الشخصيات الرئيسية في القصة عندها 3 خوان واخت وحدة . مرحة الكل يحبها .. وربعها يرتاحون لها وايد .. ويقولون لها اسرارهم دايما .. جريئة وايد , شديدة البياض , عيونها كبيرة , شعرها كستنائي طويل , ناعم , عيونها حلوة وتسر الشخص من النظرة الاولى ..ترتيبها الثالث بالبيت بعد اخوها عبد العزيز واختها نور ,حساسة , وراح تتعرفون عليها اكثر في القصة ."
كانت ريم تستعد للسفر . فكانت ترتب النشطة وهي تسمع لاحد اغاني محمد عبدو يا بنت النور ..وتدندن مع الاغنية بصوت جميل , ناعم , ومسموع
"يا دانه في عين بحارك .. ترى الاحساس ربانك"
في هالحظة رن صوت غريب في الغرفة كان صوت الجوال . بطرف عينها شاهدت ريم الجوال وشاهدت الاسم . ابتسمت ابتسامة هادئة , وسكرت المسجل .
- هلا الجوهرة .. اشلونج
- تمام .. اسئلج شتسوين
"كانت الجوهرة صديقة ريم وايد.. وكانوا أصدقاء من تقريبا 6 سنين . مع بعض بنفس الصف , وبنفس الوقت كانوا جيران . الجوهرة طيبة وايد . حبوبة , ما لها اعداء وايد , وهادية ما تحب المشاكل . بالنسبة لشكلها هي حنطاوية .. شعرها بني طويل يوصل لي كتفها .. هي تؤمن بان الشعر الطويل احلى بوايد من القصير .. وعيونها صغيرة وايد .. عيونها عسليه .. اخر العنقود في البيت .. هم ولدين وثلاث بنات "
- قاعده ارتب شنطتي . نسيتي بعد باجر باسافر
- انزين .. ايتها العنز ليش ما تجين بيتنا
- عنز في ويهج ايتها البقرة ... وبعدين الحين
- اشفيج الساعة 9 لين الحين .. وبعدين نشوف بعض قبل ما اتسافرين .
- ما ادري .. من عندكم بالبيت
- اوه كلنا موجودين .. شوق , عليا وهيا وانااا طبعا
- شوق وعليا ؟ لحقوا من اشوي كنت اسولف مع عليا وكانت اترتب شنطتها
- اية مهو توني متصلة فيها وقلتلها بتييي عاد يات على طول
- تدرين انا بعد بايي .. ما صدقت اشوفكم
- ههههههههههههه عيل اشوفج بعد 10 دقايق لو مايتي انطب عليج في بيتكم فاهمة!!
- هههههههه ان شاء الله عمتي
كانت ريم متحمسة وايد لموضوع السفر وكانت متحمسة وايد وهي اترتب شنطتها , الي كان مفرحها انه هاي اول مرة اتسافر ابروحها , هي وربعها بس.. بدون اهلهم , وطبعا مع المدرسة .
كانت ريم تتمنى ان كل ربعها ايون . بس للاسف الجوهرة مضطرة اتسافر مع اهلها في الاجازة للبحرين علشان عرس وحدة من اهلهم . وهيا كان لازم تشترك في دورة سجلت اسمها فيها قبل لا اتعرف شيء عن موضوع السفر. وبجي ريم وعليا وشوق هم الي راح ايسافرون.
شوق: شوق صديقة علياء من 4 سنين تقريبا .. بنت طيبة وحبوبة وايد الكل يحبها علشان طيبة قلبها وشخصيتها المرحة .. طويلة وضعيفة بس امتن من ريم بشوي .. شعري كستنائي قصير ..
علياء: بنت مادبة .. مثقفة .. وهي اخر وحدة انضمت للشله .. انضمت من سنة تقريبا .. جميلة سمارها حلو وايد .. احلى ما فيها ابتسامتها .. شعرها قصير اسود .. .. اجتماعية صريحة وايد وايد
وصلت ريم بيت الجوهرة بسرعة ما كملت دقيقتين لما طلعت من بيتها الا وكانت في غرفة الجوهرة
الجوهرة: هلا اشلونج
ريم : تمااااااااااااام
هيا: ليكون كنتي نايمة لما اتصلت الجوهرة
ريم : لا كنت ارتب اغراضي
شوق: وي انا لين الحين ما سويت شيء
عليا: متى ناوية تبدين؟ ان شاء الله
شوق: باجر ..
ريم: انا وايد متخرعة اول مرة اسافر ابروحي
عليا: لا عادي .. الشهر بيمر ابسرعة بدون ما نحس صدقيني
شوق: انا وحدة ما ودي اسافر .. شكلي بكنسل السفرة في اخر لحظة
الجوهرة: عشان تتحسفين نفسنا .. لا روحي احسن لج
عليا: المشكلة المشرفات الي معانا بالسفرة .. احسهم ما ينفعون
هيا: اية والله عاد كل شيء ولا هاذولة
الجوهرة: بنات أقول.. خل نستانس اشوي
هيا: يلةاشتغلي يال D.J شنو اخر الاغاني الي عندج
الجوهرة: تامرين امر .. عندي موضي .. راشد .. عبدالمجيد.. الجسمي كل شيء
عليا: يلة موضي ... قوموا قوموا ارقصووو عاشو.. عاشو.. عاشوو
وصورة سريعة كل وحدة من البنات قامت ترقص وتتمايل على انغام الموسيقى الغذبة الي يسمعونها
في نفس الليله وعلى الساعه 12 كانت الجوهرة قاعدة على المنتدى وهي خلاص على اعصابها تنطر رساله من المجروح .. ويرن جوالها بهاللحضة ..
الجوهرة: ريمووووو
ريم: هلا
الجوهرة: ما طرشلي رساله ... وشكله طلع من المنتدى
ريم: اشدعوة طلع انطري اشوي وراح ايرد عليج
الجوهرة: والله انا قاعدة على اعصابي .. لا واليوم شكله متضايق .. ريمو شاسوي ؟؟
ريم: والله حيرتيني معاج انطري!!
الجوهرة ( وبفرحة كبيرة): ريمو طرشلي رساله الحقي علي ..
ريم: ههههههههههههههه هاي كله عشان رساله .. لو شفتية اشبتسوين
الجوهرة: انطري انطري بافتحها..
مرت لحضات ريم حستها كانها اسبوع اتنادي على الجوهرة والثانية ما اترد.. الشيخة اسرحت في عالم ثاني ..
ريم: جوهووووور شنو مكتوب ..
الجوهرة: ابية يبي ايميلي ..
ريم: شنووووووووووووووووووووووووووووو
الجوهرة: شاسوي!!
ريم: عطية الايميل وفكي عمرج !!
الجوهرة: تدرين شكله طيب ما راح ايسوي شيء صح ..
ريم: هههههههههههههههههه صح

في اليوم الي سبق السفر تحمست ريم للموضوع اكثر وكانت وايد مستانسة حتى في البيت مع خوانها كان الموضوع عادي وايد ..
خليفة: ها جهزتي اغراضج
ريم: ايه خلاص .. يالسخيف ما تدري اني باسافر باجر
خليفة: اشلون ما ادري كل يوم وانا اعد الدقايق والايام وانطر متى بتسافرين.
ريم: بل .. ليش!!!
خليفة: نسيتي ان احنا بنسافر بدونج .. هاي بحد ذاته شيء عجيب .. تدرين حاس ان احنا راح نستانس وايد هالمرة
نور: لا وتدري السفرة بتكون شي ويا بيت عمي ..
ريم: والله انكم اتحرون ما قررتوا اتسافرون مع بعض الا لما انا بغيت اسافر
خليفة: هههههههههههههههه
دشت عليهم بهاللحظة حصة بنت عم ريم ونور وخليفة ..
حصة: بنت عمهم هاشم .. عمرها 19 سنه .. على علاقة كبيرة ووثيقة بنور وريم .. طويله وضعيفة .. الشعر اشقر قصير .. حنطاوية البشرة ..
حصة: السلام عليكم
نور: عليكم السلام يا هلااااااااااااااااااااا..
وراحوا نور وريم لها يستقبلونها اما خليفة فراح فوق بسرعة وهو ماشي على الدرج شافه عبدالعزيز ..
عبدالعزيز: بل اشفيك . ليش تراكض على الدرج..
خليفة وهو يبتسم : هاي حصو بنت عمي ..
ابتسم خليفة ابتسامته المشهورة ونزل وهو نازل ..
خليفة: عزووووووووووز بدينا ..
عبدالعزيز: ههههههههههههه وانت اشعليك .. انجلع يالياهل ؟؟
حصة: ها شخباركم .. والله مشتاقه لكم حيل
ريم: اية والله انابعد مشتاقتلج .. عاد حسافة ما راح اسافر وياكم
حصة: حد قالج اتروحين ويا المدرسة . هههههههههه وبعدين احسن نفتك صح نوروو
نور: هههههههههههههه اكيد .. ما صدقنا ..
عبدالعزيز : نور حد موجود
ابتسمت نور وطالعه حصة بنظرة البنت انحرجت مسكينه ..
نور: حصوو بنت عمي حياك ..
دخل عبدالعزيز ..
عبدالعزيز: اشلونج حصة
حصة: تمام ..
ريم: عزووووووووووووز
عبدالعزيز: شنو عزوز اصغر عيالج ..
ريم: اوو .. عبدالعزيز .. شوفهم مستانسين لاني باسافر باجر
عبدالعزيز :هههههههههههههه والله حتى انا مستانس ..
ريم الي خلاص تنرفزت والكل بدى يضحك عليهااااااااااا

-----------------------------------------
الكل كان قاعد بالطيارة بهاللحظة .. والكل كان مترقب ساعه الطيران .. كل وحدة فيهم بعالمها الخاص وباحلامها الخاصة .. وولا وحدة منهم فاضية للثانية .. علياء الي اتفكر في الجامعه واشلون راح اتكون .. المكان اشلون .. والبنات الي معاها الله يستر منهم ..
وشوق الي خلاص مو مصدقة انهم بيسافرون مع بعض .. حلم ويتحقق اول مرة اتسافر مع صديقاتها بروحها ومب أي صديقات الشله المشتله .. بس يا ريت الجوهرة وهيا موجودين .. ريم الي في عالم ثاني خلاص .. وكل اشوي اتطرش مسجات لحصة بنت عمها .. الشيخة قاعدة اتحرها لانهم كلهم متجمعين بهاللحظة عندهم بالبيت .. وهي مشتاقة لهم وايد وما قدرت اتشوفهم في الاجازة ..
شوق: بل ما صدقت جي الايام راح اتمر جنا تونا من يومين مخلصين الامتحانات
علياء: اتهقون بنستانس انا وايد خايفة
ريم: لا اتخافين عادي. احس كل شيء بيكون طبيعي
شوق: تعالو انتوا تعرفون حد من الي معانا بالسفر
ريم: لا ..
علياء: المشكلة الحين صعبة نتعرف على حد او حتى ننتبة على الويوة . الطيارة وايد زحمة
شوق: احس ان الطيارة بس حق بنات مدرستنا شوفوا بنات اعدادي وابتدائي ومدرساتنا ومن كل مدرسة تقريبا 20 بنت هاي غير مدرستنا .
علياء: ان كل مدرسة بمدينة احس كنا بنتبهدل لو كنا معاهم
ريم: اية اكيد.
ريم: شكلها السفرة مبينة من اولها . الحين 7 ساعات واحنا ما نقدر انسوي شيء
علياء: شنسوي بعد مو بيدنا .
شوق : بنزهق . يلة طلعوا سوالف
علياء: من وين انيبلج اول امس طول الليل واحنا مع بعض خلصنا سوالفنا . الله يستر بالسكن ما راح ايكون عندنا شيء انسوية
ريم: ما مرت ساعتين واحنا متمللين .
شوق: انا شكلي بنام .
ريم : تدرون انا باتمشى
علياء: وين يمة عبالج قاعدة في الشانزليزية
ريم: بايخة. هههه بامشي اشوي اشتبيني اسوي يعني
شوق: يحليلكم وانتوا اتهاوشون .متى ناوين تعقلون ان شاء الله !!. ريموووو باقعد مكانج علشان ما اتقوميني كل اشوي.
ريم: اوكي
قامت ريم من مكانها وقعددت تتمشى كانت اتعرف انها تبي تلمح على الاقل البنات الي راح ايكونون معاها اتحاول تتعرف على حد على الاقل , احسن من انها تقعد اتسوي هوشة مع علياء او شوق.
حاولت اتروح صوب المشرفات واتشوفهم شيسون كانت الاولى نايمة والثانية قاعدة اتملي اوراق . بس ما قدرت ريم اتعرف شنو هم بالضبط . شافت بنات ابتدائي وهمة ايطالعون رسوم متحركة في التلفزيون . وبعضهم قعدو يالعبون مع بعض . وبنات اعدادي قاعدين يسمعون اغاني . والي قاعدة اتحط ماكياج وهالاشياء . شافت بعض البنات الي موجودين معاها بنات الثانوي , تعرفت على كذا بنت شافتهم فلي المدرسة بس ما تعرفت عليهم ولا دار بينهم أي نوع من انواع الحديث من قبل . حست بخوف من البنات الى معاها وما حبت ان اصدقائها الوحيدين بهالسفرة ايكونون علياء وشوق.
بعد رحلة في الطيارة مرت ريم بكل مكان تقريبا وتمشت على كيفها.
شوق: ها غيرتي جو
ريم: بسم الله مو قلتي بتنامين
شوق: ما قدرت انام .. عليوو نامت
ريم: اية.. شتسوين
شوق: استمتع بالمناظر.. شاسوي يعني ولا شيء بس ملل وايد
ريم: تدرين يلة باقي 3 ساعات ونص تقريبا حاولي اتنامين
استيقضت ريم على يد علياء وهي اتهزها ..
عليا: ريم.. ريموووووووو .. قومي يلة
ريم: ليش؟؟ تو الناس
شوق: يمة وصلنا قومي الحين الطيارة بتهبط















انتهى الجزء الاول .....
وانتظر ردودكم وارائكم ..